काठमाडौं, १ साउन २०७६ | लोकगायक बद्री पंगेनीसहित तीन जनाका कारण ज्यान जोखिममा परेको भन्दै जिल्ला प्रशासन कार्यालय काठमाडौंमा एक जनाले सुरक्षा माग गरेका छन् । पंगेनीसहित विजय सिंह र सुवास अधिकारीले आफूलाई ज्यान मार्ने धम्की दिएको भन्दै काठमाडौं सितापाइलाका निमा दोर्ची शेर्पाले जिल्ला प्रशासन कार्यालयमा उजुरी दर्ता गरेका हुन् ।
पंगेनीसहित ३ जनाले सञ्चालन गरेको निरमाया दोहोरी साँझमा काम गरेको रकम लिन फोन गर्दा आफूलाई ज्यान मार्ने धम्की दिएको आरोप शेर्पाले लगाएका छन् । शेर्पाले श्रृष्टी फर्निचरबाट झण्डै ५५ लाख रुपैयाँको लागतमा दोहोरी साँझ डेकोरेसन गरेको तीन महिना पुग्दा पनि पैसा नदिएर उल्टै ज्यान मार्ने धम्की दिएको उजुरीले लेखेका छन् ।
तर गायत पंगेनीले भने आफूलाई जानकारी नै नभएको बताएका छन् । उनले भने, ‘म दोहोरी साँझमा कहिले काँही मात्र जान्छु । तर विजय र सुवासले त्यहाँको व्यवस्थापन गर्छन । मैले धम्की दिएको पनि छैन । गलत तरिकाले मेरो विरुद्ध आरोप लगाउने काम भयो । यो गलत भयो । मैले उजुरी कर्तालाई पनि फोन गरेको उसले पनि तपाई पनि हुनुहुन्छ भन्ने थाहा पाएर गरेको हुँ भनेको छ ।’









































