बीस खाएर मरेकाे भेडाको मासु खाँदा एकै परिवारका ६ जना बिरामी परेका छन् ।गुठिचौर गाउँपालिका-४ थामबाडामा मरेको भेडाको मासु खाँदा एकै घरका छ जना बिरामी परेकाे कर्णाली स्वास्थ विज्ञान प्रतिष्ठान शिक्षण अस्पताल जुम्लाका निर्देशक डा. पुजन राेकायाले जानकारी दिए ।
उनीहरूकाे कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार भइरहेकाे छ । तीन जना पुरुष र तीनजना महिला बिरामी परेका कर्णाली स्वास्थ्य विज्ञान प्रतिष्ठानका निर्देशक पुजन रोकायाले बताए
बिरामी हुनेमा बर्ष ४० वर्षका विष्णबहादुर अधिकारी उनकी श्रीमती कमलदेवी अधिकारी, छोरा सुर्य अधिकारी, छोरीहरु सुक्ष्मा अधिकारी र सावित्री अधिकारी तथा ज्वाइँ राजेश खत्री रहेका छन् । उनीहरु सबैले बुधबार बिहान नौ बजेतिर मरेको भेडाको मासु खाएको आफन्त श्रीकृष्ण अधिकारीले बताए ।
भर्खर पलाउन लागेको विष खारएर मरेको भेडाको मासु खाँदा उनीहरू बिरामी भएको स्थानीयले बताएका छन् । ‘पहिला पनि यसरी मरेका भेडाको मासु त खान्थ्यौं । हामीलाई केही हुँदैनथ्यो । त्यसैले उनीहरुले पनि खाए । तर बिरामी हुनुपर्यो,’ उनले भने ।
बिरामी छ जनाको अवस्था सामान्य देखिए पनि अवस्था बिग्रन सक्ने भएकाले केही भन्न नसकिने उपचारमा संलग्न डा. रमाकान्त रायले बताए ।
‘मासु भर्खरै खानु भएको रहेछ । असर एकदमै चाँडै देखिएको छ,’ उनले भने, ‘दुई तीन दिन नहेरी केही भन्न सकिन्नँ ।







































