राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसइई) चैत दोस्रो साता लिने भएको छ । आइतबार बसेको बोर्डको बैठकले चैत १५ देखि २७ सम्म परीक्षा सञ्चालन गर्ने निर्णय गरेको हो ।
बोर्डले तयार गरेको प्रश्न पत्रको आधारमा परीक्षाको व्यवस्थापन प्रदेश स्तरबाट हुने भएको छ । कक्षा १० का विद्यार्थीले यसपालि नयाँ पाठ्यक्रम अनुसारको परीक्षा दिँदै छन् । यस वर्षको परीक्षामा हरेक विषयमा सैद्धान्तिकमा ३५ प्रतिशत अर्थात् २७ अंक ल्याउनै पर्ने व्यवस्था लागू हुँदै छ ।
एस वर्षको एसइई परीक्षामा करिब ५ लाख विद्यार्थी सहभागी हुन लागेका छन् ।








































