काठमाडौं । हाल देशभर आंशिकदेखि सामान्य बदली रहेको मौसम पूर्वानुमान महाशाखाले जनाएको छ । कोशी, बागमती, गण्डकी र लुम्बिनी प्रदेशका थोरै स्थानहरुमा भने हल्कादेखि मध्यम वर्षा भइरहेको छ ।
आज दिउँसो पनि देशभरको मौसम आंशिकदेखि सामान्य बदली रहने छ । कोशी, बागमती, गण्डकी र लुम्बिनी प्रदेशका केही स्थानहरुमा र बाँकी प्रदेशका थोरै स्थानहरुमा वर्षाको सम्भावना छ ।
यस्तै कोशी र गण्डकी प्रदेशको एकरदुई स्थानमा भारी वर्षाको संभावना रहेको पनि महाशाखाले जनाएको छ । मधेश र कोशी प्रदेशको तराई भूभागका एक दुई स्थानमा हावाहुरीको सम्भावना रहेको पनि महाशाखाले जनाएको छ ।








































