काठमाडौं महानगरपालिकाले बालाजुस्थित कोतःधुकु पेट्रोल पम्प सिल गरेको हो ।
मापदण्ड विपरीत घरको सटरमा पेट्रोल पम्प सञ्चालनमा रहेकाले पेट्रोल पम्प सिल गरिएको नगरप्रहरी प्रमुख राजुनाथ पाण्डेले जानकारी दिए ।
घरको सडक पेटीमा सञ्चालन भइरहेको पेट्रोल पम्पका कारण सवारीसाधनको लाइनले सडक जामसमेत हुने गरेको थियो ।

२०७५ सालमा फ्यूल पम्पसम्बन्धी विनियमावली संशोधन गरेर सरकारले मुख्य सडक किनार, घना वस्ती र संवेदनशील क्षेत्रमा रहेका पम्प हटाउने निर्णय गरेको थियो । तीमध्ये केही पम्प अझै पनि सञ्चालनमा छन् ।








































