काठमाडौँ– प्रतिनिधिसभा उपचुनाव अन्र्तगत चितवन २ मा राष्ट्रिय स्वतन्त्र पार्टी(रास्वपा)का रवि लामिछाले भारी मतसहित विजयी भएका छन्। रविले ५४ हजार १७६ मत ल्याएका छन्।
लामिछानको प्रतिस्पर्धी जितनारायण श्रेष्ठसँग ४३ हजार २५ मतान्तर छ।
कांग्रेसका जितनारायण श्रेष्ठले ११ हजार १ सय ५१ र एमालेका रामप्रसाद न्यौपाले १० हजार ९ सय ३५ मत ल्याए।

रविले मंसिर ४ को निर्वाचनमा भन्दा पनि धेरै मत पाएर चुनाव जितेका हुन्। मंसिर ४ मा रविले प्रतिस्पर्धी उमेश श्रेष्ठलाई ३४ हजार १ सय ६२ मतले पराजित गरेका थिए।
लामिछानेले ४९ हजार २६१ मत प्राप्त गर्दा श्रेष्ठले १५ हजार ९९ मत ल्याए । श्रेष्ठ सत्ता गठबन्धनका साझा उम्मेदवार हुन् ।
एमालेका कृष्णभक्त पोखरेल १४ हजार ६४९ मत ल्याउँदै तेस्रो स्थानमा रहे। २०७४ सालको निर्वाचनमा चितवन–२ बाट एमालेका कृष्णभक्त पोखरेल निर्वाचित भएका थिए ।








































