काठमाडौं।
लोकतान्त्रिक बामगठन्धनका उम्मेदवारलाई जिताउन नेपाल तरुण दलले बैशाख १० गतेको उपनिर्वाचनलाई लक्षित गरेर केन्द्रीय प्रतिनिधि खटाएको छ ।
बारा २, चितवन २ र तनहुँ १ मा उपनिर्वाचन हुँदैछ । तरुण दल अध्यक्ष विद्वान गुरुङले बुधबार तीन वटै निर्वाचन क्षेत्रमा युवा परिचालनका लागि प्रतिनिधि खटाएका हन् । बारा २ मा तरुण दलका नेता अशोक झा र विवेक चौरसियालाई खटाइएको छ भने तनहुँमा ललित गुरुङ र सागर गुरुङलाई जिम्मेवारी दिइएको छ । यस्तै रत्न महर्जन र आर सि भट्टराईलाई चितवनको जिम्मा दिइएको तरुण दलद्वारा जारी विज्ञप्तिमा उल्लेख छ ।
केन्द्रीय प्रतिनिधिलाई जिल्लाको निर्वाचनसम्बन्धि प्रतिवेदन बुझाउने जिम्मेवारी पनि तोकिएको तरुण दल अध्यक्ष गुरुङका स्वकीय सचिव दीपेन्द्र पोखरेलले नेपालमञ्चलाई बताए ।








































