नेपाली राष्ट्रिय क्रिकेट टिमकी कप्तान रुबिना क्षेत्री बेलबासले हङकङमा जारी फेयरब्रेक इन्भाइटेसनल टी-२० क्रिकेटमा सानदार प्रदर्शन गरेकी छन् । बार्मी आर्मीका लागि खेलिरहेकी रुबिनाले बुधबार बिहान भएको खेलमा साफिरेस वुमनविरुद्ध अलराउण्ड प्रदर्शन गरेकी हुन् ।
उनले ब्याटिङमा अविजित ३२ रन बनाउँदा बलिङमा पाँच विकेट लिइन् । रुबिनाको अलराउण्ड प्रदर्शनमा बार्मी आर्मीले साफिरेसलाई ६१ रनले पराजित गर्दै लिग चरणमा चौथो जित हात पारेको हो ।









































