काठमाडौं । भारतीय धितोपत्र तथा विनिमय बोर्ड अर्थात सेबीले लगाएको प्रतिबन्धपछि अभिनेता अर्शद वारसीको प्रतिक्रिया आएको छ ।
अर्शद वारसीले ट्वीट गर्दै भनेका छन्, ‘समाचारमा पढेका सबै कुरामा विश्वास नगर्नुहोस्। श्रीमती मारिया र मसँग शेयर बजारको शून्य बुझाइ छ। हामीले सल्लाह लिएर शारदामा लगानी गर्यौं । अरू धेरैजस्तै हामीले पनि हाम्रो मेहनतको पैसा गुमायौं।’
‘सेयर पम्प एण्ड डम्प’ भन्नाले शेयरको मूल्य बढाउने वा घटाउने उद्देश्यले गलत सूचना दिनु हो ।
समाचार एजेन्सी पीटीआईका अनुसार सेबीले ३१ कम्पनी र फर्मलाई प्रतिबन्ध लगाएको छ । जसमा अर्शद वारसी, उनकी पत्नी मारिया गोरेटी र साधना ब्रोडकास्टसँग सम्बद्ध प्रवर्तकहरू पर्छन्।
लगानीकर्ताले सेयर किन्न सकून् भनेर यी व्यक्तिहरूले गलत सूचनासहितको भिडियो युट्युबमा अपलोड गरेको आरोप छ ।








































