काठमाडौं, फागुन १८ : नागार्जुन नगरपालिकाले एसइइ २०७८ मा उच्च जि.पि.ए प्राप्त गर्ने विद्यालय र बिद्यार्थीलाई सम्मान गरेको छ ।
नगर शिक्षा शाखाका प्रमुख कृष्ण कुँवरको संयोजकत्वमा भएको कार्यक्रममा प्रमुख अतिथि नगर उप-प्रमुख सुशीला अधिकारीले उच्च जिपिए ल्याउन सफल स्कुल र बिद्यार्थीलाई प्रसंशा पत्र र पुरस्कार दिएर सम्मान गरेका हुन् ।
सो अवसरमा संस्थागत बिद्यालय तर्फ सबैभन्दा बढि जिपिए प्राप्त गर्न सफल न्यु क्रियटिभ ई.बो स्कुल ( NCEB SCHOOL) का छात्र आर्यन बस्ताकोटीले ३.९५ जिपिए प्राप्त गरेकाले प्रथम पुरस्कार प्राप्त गरे भने ३.९० जिपिए ल्याउने बिद्यार्थीलाई समेत सम्मान गरिएको थियोे ।
सामुदायिक बिद्यालय तर्फ रत्न राज्य माविका छात्रले ३.८० जिपिए ल्याएर पुरस्कृत भएका थिए ।
सो अवसरमा शाखाले सञ्चालन गरेका निबन्ध , हस्तलेखन तथा बक्तृत्व कला प्रतियोगिताका विजयी छात्र छात्रालाई पनि पुरस्कृत गरिएको थियोे ।
यसैगरी सामुदायिक बिद्यालयका उत्कृष्ट शिक्षकहरुलाई दोसल्ला ओढाएर र प्रशंसापत्र प्रदान गरेर सम्मान गरिएको थियोे ।








































