काठमाडाैँ- विश्वकप लिग-२ अन्तर्गत घरेलु मैदानमा जारी त्रिकोणात्मक एकदिवसीय सिरिजमा स्कटल्यान्ड विरुद्ध नेपालले खराब सुरुवात गरेको छ। २१३ रनको लक्ष्य पछ्याएको नेपाल ३४ रन जोड्दा तीन विकेट गुमाउन बाध्य भएको छ।
नेपाली ओपनर कुशल भुर्तेल लगातार दोस्रो खेलमा १ रनमा नै गुमाउन पुग्दा आसिफ शेख र ज्ञानेन्द्र मल्ल पनि क्रिजमा जम्न सकेनन्। भुर्तेल ४ बलमा १ रन बनाउँदा मार्क वाटद्वारा एलबिडब्लुको सिकार भएका थिए। त्यसपछि आसिफ शेख २३ बलमा १२ रन बनाउँदा ब्रानडन म्याकमुलेनको बलमा केली कोएटजरबाट क्याच आउट भए।
नेपालले तेस्रो विकेटका रूपमा ज्ञानेनद्र मल्ललाई २१ रनमा गुमायो। मल्ल ३० बलमा २१ रन बनाउँदा वाटकै बलमा एलबिडब्लुको सिकार भएका थिए। अहिले क्रिजमा कप्तान रोहित पौडेल र कुशल मल्ल रहेका छन्।
नेपालले जारी सिरिजमा पहिलो खेलमा नामिबियाले दिएको २८५ रनको लक्ष्य ८ विकेट गुमाएर पूरा गर्दै पहिलो जित निकाल्दा दोस्रो खेलमा स्कटल्यान्डले दिएको २७५ रनको लक्ष्य ७ विकेट गुमाएर पूरा गर्दै दोस्रो जित निकालेको थियो। अघिल्लो खेलमा नामिबियाले दिएको २७५ रनकै लक्ष्य नेपालले १५ बल बाँकी हुँदा ७ विकेट गुमाएर पूरा गरेको थियो।








































