एजेन्सी – अष्ट्रेलियाले भारतसँगको पहिलो टेस्ट खेलमा टस जितेर पहिला ब्याटिङ गर्ने निर्णय लिएको छ । नागपुरमा भएको टसमा अष्ट्रेलियाका कप्तान प्याट कमिन्सले टस जितेर पहिला ब्याटिङ गर्ने निर्णय लिएका छन् ।
भारतले सूर्यकुमार यादव र विकेटकिपर स्रिकर भरतलाई डेब्यू दिएको छ । सूर्यले सिमित ओभरको क्रिकेटमा लगातार राम्रो प्रदर्शन गर्दै आएका छन् । भरतले भारत ए र घरेलु क्रिकेटबाट राम्रो प्रदर्शन गर्दै आएका छन् । त्यस्तै अष्ट्रेलियाले स्पिनर टोड मुर्फीलाई डेब्यू दिएको छ ।
भारत र अष्ट्रेलियाबीच चार टेस्ट खेलको सिरिज हुनेछ । भारतलाई आइसिसी विश्व टेस्ट च्याम्पियनसिप २०२३ को फाइनल खेल्न कम्तिमा ३ खेल जित्नुपर्नेछ । अष्ट्रेलियाको फाइनल यात्रा अनौपचारिकता मात्रै बाँकी छ ।
भारतले आज खेलमा तीन स्पिनर रविन्द्र जडेजा, रविचन्द्रन आश्विन र अक्षर पटेललाई मैदान उतारेको छ । अष्ट्रेलियाले पनि खेलमा नाथन लायन, म्याट रेनेश र टोड मुर्फीगरि तीन स्पिनर मैदान उतारेको छ । पिच स्पिनर सहयोगी रहेको बुझिएको छ।
अष्ट्रेलियाको प्लेइङ ११ :
डेविड वार्नर, उस्मान खवाजा, मार्नस लाबुसेन, स्टिभ स्मिथ, म्याट रेनेशव, पिटर ह्यान्डकम्ब, एलेक्स केरी (विकेटकिपर), प्याट कमिन्स (कप्तान), नाथन लायन, टोड मुर्फी र स्कट बोलायन्ड ।
भारतको प्लेइङ ११ :
रोहित शर्मा (कप्तान), लोकेश राहुल, चेतेश्वर पुजारा, विराट कोहली, सूर्यकुमार यादव, स्रिकर भरत (विकेटकिपर), रविन्द्र जडेजा, रविचन्द्रन आश्विन, अक्षर पटेल, मोहम्मद शामी र मोहम्मद शिराज ।Facebook0Tweet0








































