नेपाली राष्ट्रिय क्रिकेट टोलीका प्रभावशाली सदस्य तथा नेपाल पुलिस क्लबका कप्तान आरिफ शेख नेपाल प्रहरीको सहायक हवलदार पदमा बढुवा भएका छन्।
बुधबार प्रहरी प्रधान कार्यालयमा आयोजित एक विशेष समारोहका बीच उनलाई पदोन्नति गरिएको हो।
दर्ज्यानी चिह्न सुशोभन
राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवं प्रहरी अतिरिक्त महानिरीक्षक (AIG) शिद्धीविक्रम शाहले आरिफलाई सहायक हवलदार पदको दर्ज्यानी चिह्न प्रदान गरे। खेलकुदको माध्यमबाट संगठन र राष्ट्रको गरिमा बढाएको भन्दै उनलाई पदोन्नति गरिएको प्रहरीले जनाएको छ।
खेल क्षेत्रमा आरिफको योगदान
- आरिफ शेख लामो समयदेखि नेपाली राष्ट्रिय टोलीका भरपर्दा अलराउन्डर हुन्।
- घरेलु क्रिकेटमा उनले नेपाल पुलिस क्लबको कप्तानी गर्दै टोलीलाई विभिन्न उपाधिहरू दिलाउन महत्वपूर्ण भूमिका निर्वाह गरेका छन्।
यो बढुवालाई नेपाल प्रहरीले आफ्ना खेलाडीहरूको हौसला बढाउन र खेलकुद क्षेत्रलाई प्रोत्साहित गर्ने कदमको रूपमा हेरिएको छ।
