वरिष्ठ अधिवक्ता डा. सुरेन्द्र भण्डारीले पूर्व प्रधान न्यायाधीश सुशीला कार्की र पूर्व न्यायाधीश अनिलकुमार सिन्हाको संविधानप्रतिको निष्ठामा गम्भीर प्रश्न उठाएका छन्। प्रधान न्यायाधीश र सर्वोच्च अदालतका न्यायाधीशलाई प्रधानमन्त्री र मन्त्रीको नियुक्तिका लागि दौडिने बाटो संविधानले नै बन्द गरेको भन्दै नियुक्ति दिएका दुवैजनाको संवैधानिक निष्ठामा गम्भीर प्रश्न उठेको बताए । उनले प्रधानमन्त्री र मन्त्री नियुक्त भएर काम गरिरहेका उनीहरूले यस अदालतबाट विगतमा दिएका फैसलाहरू र निर्णयहरू पुनः परीक्षणको आवश्यकता देखिएको बताए।
“नेपालको संविधानले प्रधान न्यायाधीश र सर्वोच्च अदालतको न्यायाधीशलाई प्रधानमन्त्री र मन्त्रीको नियुक्तिका लागि दौडिने छुट दिएको छैन । उहाँहरू नियुक्तिका लागि दौडिनु मात्रै भएन नियुक्ति लिएर पदमा बहाल हुनुहुन्छ। त्यसकारण उहाँहरुले यस अदालतमा गरेका हरेक निर्णयको परीक्षण अदालतबाटै हुनुपर्ने भयो,” भण्डारीले भने, “संविधानप्रतिको निष्ठा नभएको व्यक्ति प्रधान न्यायाधीश र न्यायाधीश बन्न सक्दैन। त्यसैले उहाँहरुबाट भएका निर्णयहरूमाथि प्रश्न उठ्ने भयो।”
उनले त्यस्ता व्यक्तिहरूलाई राष्ट्रपतिबाट भएको नियुक्ति संविधानसम्मत नभएकाले तत्काल खारेज हुनुपर्ने दाबी दिए । वरिष्ठ अधिवक्ता भण्डारीले संसद् विघटन विरुद्धको रिटकर्ता युवराज पौडेलका तर्फबाट बहस गरेका थिए ।
अधिवक्ता भण्डारीले जेनजी प्रदर्शनकारीले भ्रष्टाचार नियन्त्रण र सुशासनको एउटा सामाजिक सञ्जाल बन्दको विरुद्धको अर्को निर्णय फिर्ता गर्ने माग गरेका थिए ।
त्यसपछि सरकारका तर्फबाट २३ गते भएको हताहतीमा संलग्न माथि कारबाहीको माग थपिएको उनले बताए । अब सर्वोच्च अदालतबाट आउने अन्तरिम आदेशले जेनजीका माग सम्बोधनमा पुग्नु नहुने उनको दाबी छ ।
भण्डारीले जेनजी आन्दोलनपछिको परिवर्तित परिस्थितिलाई सम्बोधन हुने गरी संविधान संशोधन आवश्यक भएकाले त्यो काम पुनस्थापित संसदबाट हुनुपर्ने बताए ।
त्यही कारण अन्तरिम आदेशबाट विगटित प्रतिनिधिसभा पुनस्थापित हुनुपर्ने बताए। उनले चरम देखाउ आदेशमा सात दिनको म्याद दिने अभ्यास छोडेर तीन दिनभित्र जवाफमा कि अन्तरिम आदेश हुनुपर्ने बताए ।
राष्ट्रपतिबाट सरकार गठन गर्ने संविधानको धारा नै प्रयोग गर्ने ठाउँ बन्द भएका कारण धारा ६१ को सहारा लिनुपरेको भन्दै यस्ता परिस्थितिको सम्बोधन गर्ने गरी पुनस्थापित संसदले संविधान संशोधन गरिदिनुपर्ने बताए।








































