Opens in a new tab
२०८३ मंसिर ६, शनिबार
३:०४:०४ दिउँसो
- ADVERTISEMENT -

बालेनको योजना विफल, कर्मचारीकै पहलमा हाजिर भए गुरागाईं

प्रकाशित मिति: २०८१ चैत २२, शुक्रबार

199
Shares

काठमाडौं महानगरपालिकाका मेयर बालेन साहको निर्देशन अवज्ञा गर्दै उपमेयर सुनिता डंगोल सहितका वडाअध्यक्ष र सबै कर्मचारीले प्रमुख प्रशासकीय अधिकृत सरोज गुरागाईंलाई कार्यालय प्रवेश गराएका छन् ।

मेयर सचिवालयले लगाएको ताला फोडेर प्रमुख प्रशासकीय अधिकृत सरोज गुरागाईंलाई कार्यकक्षमा प्रवेश गराइएको हो । कार्यकक्षमा प्रवेश गरेलगत्तै १ सय ३ दिनपछि गुरागाईंलाई कार्यालय हाजिर गराइएको थियो । उहाँ कार्यालय पुग्दा कर्मचारीहरूको ठूलो समूहले मेयर साहविरुद्ध नाराबाजी गरेका थिए । कामपा प्रवक्ता नवीन मानन्धरले प्रमुख प्रशासकीय अधिकृत सरोज गुरागाईं आज शुक्रबारबाट नियमित काममा फर्कने बताउनुभएको छ ।


यस विषयमा दिनभर विवाद भइरहँदा मेयर बालेन्द्र साह सम्पर्कविहीन हुनुहुन्छ । उपमेयर सुनिता डंगोलले मेयर साहलाई कोठामा बसेर वक्तव्य जारी गर्नुभन्दा ‘फिल्ड’मा आउन आग्रह गर्नुभएको थियो । मेयर साहको निर्देशनमा कामु प्रहरी प्रमुख राजुनाथ पाण्डेले उहाँ चड्ने सवारी साधनमा लक लगाउने निर्देशन दिनुभएको थियो । कार्यालय समयमै कामपामा हाजिर हुने तयारी गरिरहँदा मेयरको सचिवालयको निर्देशनमा प्रशासकीय अधिकृत गुरागार्इंलाई सवारी साधन उपलब्ध नगराई प्रहरीलाई कार्यालय घेर्न पठाइएको थियो ।


मेयर साहले काठमाडौं टावरको नक्सा पास गर्दा अनियमितता गरेको आरोप लगाउँदै कार्यकारी अधिकृत गुरागार्इंलाई बर्खास्त गर्नुभएको थियो । गत ७ पुसदेखि बिदामा रहनुभएका गुरागाईँ निर्दोष साबित भएपछि एक महिनाअघि कार्यालय आउन लाग्दा मेयर साहका स्वकीय सचिव भूपदेव साहले उहाँलाई रोक्नुभएको थियो । साहकै आदेशमा प्रमुख प्रशासकीय अधिकृतको कार्यकक्षमा ताला लगाउनेदेखि सवारी साधनको साँचो खोस्नेसम्मका हर्कत भएको थियो । प्रमुख प्रशासकीय अधिकृत गुरागाईंलाई प्रवेश गर्न नदिएको विषयमा साहसँग सम्पर्क गर्दा मोबाइल उठाउनुभएन ।

हिजो कार्यालयमा प्रवेश गर्न रोक लगाएका कामपाका कामु प्रहरी प्रमुख पाण्डेलाई अनौपचारिक बैठकमा उपप्रमुख डंगोलले तपार्इंले लिखित आदेशमा ताला लगाउनुभएको कि मौखिक आदेशमा भनेर प्रश्न गर्नुभएको थियो । त्यसबेला पाण्डेले मौखिक आदेशमा ताला लगाएको बताउनुभएको थियो । खोल्न आग्रह गर्दा नमानेपछि कर्मचारीले ताला फोडेका थिए ।
संघीय मामिला तथा सामान्य प्रशासन मन्त्रालयले गुरागाईंलाई कामपामा हाजिर गर्ने वातावरण बनाइदिन भन्दै एक महिनाअघि नै पत्र पठाएको थियो । मेयर साहले भने अर्को प्रशासकीय अधिकृत पठाइदिन ताकेता गर्नुभएको थियो ।

संघ सरकारले अटेर गरेपछि उहाँले प्रदेश सरकारलाई कार्यकारी पठाइदिन वा निमित्त कार्यकारीलाई आर्थिक अधिकार दिन माग गर्नुभएको थियो । हिजो कार्यकारी अधिकृतको कार्यकक्षमा प्रवेश गर्नबाट रोकेपछि उपमेयर डंगोलको नेतृत्वमा बोर्ड हलमा बैठक बसेको थियो । कार्यपालिकाका अधिकांश सदस्य तथा वडा अध्यक्ष र कर्मचारीको उपस्थिति रहेको बैठकमा मेयर साहले कोठे राजनीति गरेर हैरान गरेको आरोप लगाइएको थियो । सोही बैठकले नियमित कार्य सञ्चालन गर्ने निर्णय गरेपछि प्रमुख प्रशासकीय अधिकृत हाजिर गर्न कार्यालय पुग्नुभएको थियो । कामपाका प्रवक्ता नवीन मानन्धरले मेयर साहकै कारण समस्या उत्पन्न भएको बताउनुभयो ।


मेयर साहले लामो समयदेखि व्यक्तिगत रिसिबी देखाएर प्रमुख प्रशासकीय अधिकृतलाई कार्यालय प्रवेशमा रोक लगाएर नियमित तलबसमेत रोक्का गरिदिएको भन्दै कर्मचारीहरू पनि असन्तुष्ट बनेका थिए । शिक्षक र कर्मचारीले ३ दखि ५ महिनासम्मको तलब पाएका छैनन् । तलब र ठेकेदारलाई भुक्तानी दिन नपाएर आर्थिक संकट बढेपछि आन्दोलित भएका कर्मचारीले ७ दिनको अल्टिमेटम दिएर आन्दोलन गरेका थिए । चार दिनअघि स्थानीयतह कर्मचारी युनियन, स्थानीयतह कर्मचारीसंघ, नेपाल परिषद्, स्थानीय निकाय परिषद् र सफाई श्रमिक संघले विज्ञप्ति जारी गरी एकसाताभित्र तलब नपाए आन्दोलन गर्ने चेतावनी दिएका थिए । त्यसअघि मेयर साहले कार्यकारी नपठाए सरकारी कर्मचारीलाई टुकुचामा गाड्नेसम्मको धम्की दिएका थिए ।

उपमेयर डंगोलले मेयर साहको चर्को आलोचना गर्दै महानगरवासीको हित चाहने हो भने सबै एकजुट हुनुपर्ने बताउनुभयो । उहाँले भन्नुभयो,– ‘मेयरको आदेश हो भने मेयर अघि आउनुपर्छ । कोठामा बसेर आदेश दिन पाइँदैन ।’ प्रमुख प्रशासकीय अधिकृत सरोज गुरागार्इंलाई कार्यालयमा छिर्न नदिन मुख्य भूमिका खेलेका काठमाडौं महानगरपालिकाका कामु नगरप्रहरी प्रमुख राजुनाथ पाण्डेले कर्मचारीले काम नगरेर कार्यालय कब्जा गर्न खोजेको भन्दै थर्काउनुभएको थियो । तर अधिकांश कार्यपालिकाको सदस्यले कामु प्रहरी प्रमुख पाण्डेकै कारण कामपा मुख्यालयमा हुलदङ्गा भएको आरोप लगाएका छन् । पाण्डेको पछिल्लो हर्कत र रबैयाको विषयमा कार्यपालिकाको बैठकमा कुरा उठाउने निर्णय भएको छ । उपमेयर सुनितासँग वडा अध्यक्षहरूले यो विषयमा कार्यपालिकाकै बैठकमा कुरा उठाउने बताएका थिए ।

पहिलो प्राथमिकता रोकिएको तलब : गुरागाईं

काठमाडौं महानगरपालिकाका प्रमुख प्रशासकीय अधिकृत सरोज गुरागाईँले आफ्नो पहिलो प्राथमिकता कामपाका सबै कर्मचारीको तलब व्यवस्थापन गर्नु रहेको बताउनुभएको छ । मेयर बालेन्द्र साह र सरकारबीचको टकराब पछि पहिलो पटक कामपामा हाजिर हुन पुग्नुभएका प्रमुख प्रशासकीय अधिकृत गुरागाईंले एकदुई दिनमै रोकिएको तलब व्यवस्थापन गर्ने जानकारी दिँदै नेपाल समाचारपत्रसँग भन्नुभयो,– ‘आजबाट हाजिर गरेको छु, भोलीबाट नियमित काम शुरु गरेर तलब व्यवस्थापन गर्नेछु ।’

कामपामा करिब ५ हजार कर्मचारीले तलब पाएका छैनन् । तीमध्ये शिक्षक र विद्यालय व्यवस्थापन खर्च, श्रम बैंकमार्फत रोजगार भएका करिब ३ सय कर्मचारीले ५ महिनादेखि र अन्य कर्मचारीले ३ महिनादेखि तलब पाएका छैनन् ।काठमाडौं महानगरपालिकाका प्रमुख प्रशासकीय अधिकृत सरोज गुँरागाईले आफ्नो पहिलो प्राथमिकता कामपाका सबै कर्मचारीको तलब व्यवस्थापन गर्नु रहेको बताउनुभएको छ । मेयर वालेन्द्र साह र सरकारबीच पहिलो पटक हाजिर हुन पुग्नुभएका प्रमुख प्रशासकीय अधिकृत गुँरागाईले एकदुई दिनमै रोकिएको तलब ब्यस्थापन गर्नु रहेको बताउनुभयो । भन्नुभयो– आजबाट हाजिर गरेको छु, भोलीबाट नियमित काम शुरु गरेर तलब व्यवस्थापन गर्नेछु ।

कामपामा करिब ५ हजार कर्मचारीले तलब पाएका छैनन् । ती मध्ये शिक्षक र विद्यालय व्यवस्थापन खर्च, श्रमबैक मार्फत रोजगार भएका करिब ३ सय कर्मचारीले ५ महिनादेखि तलब पाएका छैनन् । भने कर्मचारीले ३ महिनादेखि पाएका छैनन ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -