बुधवार दिउँसो टस जितेर ब्याटिङ रोजेको पाहुना टोलीले निर्धारित २० ओभरमा ३ विकेटको क्षतिमा २२७ रनको विशाल स्कोर खडा गर्यो। त्यसलाई पछ्याउने क्रममा नेपाली टोलीले १५१ रन मात्र बनाएको थियो।
पाँच खेलको यस शृङ्खलाको पहिलो खेलमा नेपाल विजयी भए पनि दोस्रो खेलमा पराजित भएको थियो।
बुधवारको खेलमा टोलीका कप्तान रोहित पौडेललाई विश्राम दिइएको थियो भने दीपेन्द्र सिंह ऐरीलाई कप्तानको जिम्मेवारी दिइएको थियो।
नेपालले नियमित बलर सोमपाल कामी र ‘डेथ ओभर’ का प्रमुख बलर अविनाश बोहरालाई विश्राम दिएको थियो।









































