गोरखा। नेकपा एमाले जिल्ला कमिटी गोरखाको अध्यक्षमा सुरेन्द्रबहादुर थापा निर्वाचित भएका छन् । एमाले गोरखाको आठौं अधिवेशनबाट कृष्ण बहादुर नेपालीलाई ७५ मत पराजित गर्दै थापा अध्यक्ष निर्वाचित भएका हुन् । थापाको २८० पाउँदा नेपालीको २०५ मत पाएका छन्
मेन बहादुर अधिकारी उपाध्यक्ष र काजीराम रोका सचिव निर्वाचित भए । विजयी अधिकारीले २७० मत पाउँदा पराजित कमल दानीले १२१ र कृष्ण काप्रीले ७१ मत पाए । सचिवमा रोकाले ३५३ मत ल्याएर विजयी हुँदा उपेन्द्र देवकोटाले १०५ मत ल्याएका छन् ।
उपसचिव खुलातर्फ मनोज कुमार जोशी र महिलातर्फ शान्ता चापागाईँ विजयी भए । जोशीले २६५ मत ल्याएर विजयी हुँदा विष्णु पन्तले ११४ र सञ्चित श्रेष्ठले ६७ मत प्राप्त गरेका छन् ।
चापागाईँ ३२० मत पाएर विजयी हुँदा नानु थापा मगरले १५० मत प्राप्त गरेकि छन् ।








































