काठमाडौँ । काठमाडौँ महानगरपालिकाले यही फागुन १६ देखि सुरु गरेको रुबेला दादुरा खोप कार्यक्रमको पहिलो चरणमा हजार ३७ हजार छ सय ७२ बालबालिकाले खोप लगाएका छन् ।
स्वास्थ्य व्यवस्थापन सूचना प्रणालीअनुसार काठमाडौँ महानगरमा नौ महिनामाथि र पाँच वर्षमुनिका ४१ हजार ९२ जना बालबालिका देखाएको छ । उनीहरुलाई रुबेला दादुरासँगै छुटेको वा नियमित तालिकामा आएको खोप पनि दिइनेछ । यसरी दिइने खोपमा डिपीटी, हेप बी–हिब, पिसीभी, आइपिभी छन् ।
यस्तै पाँच वर्षमाथि १५ वर्ष उमेर तलका बालबालिकाको सङ्ख्या एक लाख एक हजार एक सय २९ छ । प्रणालीमा आबद्ध नभएका बालबालिकाको सङ्ख्यासँगै महानगरले दुई लाख ४६ हजारलाई खोप दिने लक्ष्य राखेको छ ।








































