काठमाडौं। क्रिकेट विश्वकप लिग-२ मा नामिबियाले नेदरल्याण्ड्सलाई पराजित गरेको छ।
त्रिवि अन्तर्राष्टिय क्रिकेट मैदानमा शुक्रबार भएको खेलमा नामिबियाले नेदरल्याण्ड्सलाई २४ रनले पराजित गरेको हो।
- ADVERTISEMENT -
२०४ रनको लक्ष्यमा पछ्याएको नेदरल्याण्ड्स ४३.५ ओभरमा १७९ रनमा अलआउट भयो । नेदरल्याण्ड्सका लागि नोआ क्रोइसले अविजित ४६ रन बनाउँदा म्याक्स ओ डाउडले भने ४१ रन बनाए ।
नामिबियाका लागि गेर्हार्ड ह्रास्मस र जान फ्राइलिङ्कले ३-३ विकेट लिए।
- ADVERTISEMENT -
पहिले ब्याटिङ गरेको नामिबिया ४१.५ ओभरमा २०३ रन बनाएर अलआउट भयो। नामिबियाका लागि जान निकोल लफ्टी एटनले ४९ र मलान क्रुगरले ३९ रन बनाए।
नेदरल्याण्ड्सका लागि भिभियन किङ्माले ३ विकेट लिए।
लिग-२ मा ४ मध्ये ३ खेलमा जित हासिल गरेको नामिबिया ६ अंकसहित शीर्ष स्थानमा छ । ३ खेलमा १ मा मात्र जित हासिल गरेको नेपाल र नेदरल्याण्ड्स भने क्रमश: दोस्रो र तेस्रो स्थानमा छन्। सिरिजको अन्तिम खेलमा नेपाल र नेदरल्याण्ड्स आइतबार आमने-सामने हुनेछन्।