काठमाडौं, १४ असोज । प्रधानमन्त्री पुष्पकमल दाहाल प्रचण्डले नेपाल आयल निगमले सरकारसँग छलफल नै नगरी पेट्रोलियम पदार्थको मूल्यवृद्वि गरेको भन्दै असन्तुष्टि व्यक्त गरेका छन् ।
आइतबारको प्रतिनिधिसभा बैठकमा बोल्दै प्रधानमन्त्रीले प्रधानमन्त्री आउँदा आउँदै पेट्रोलियम पदार्थको मूल्यवृद्वि भयो भनेको बताउँदै आयल निगमले मूल्य बढाउनेबारे आफूलाई जानकारी नै नदिएको स्पष्ट पारेका हुन् ।
उनले आयल निगम सरकारभित्रकै अंग भएको भन्दै अटो प्राइसिङ निगमको स्वतन्त्रता नभएको बताए ।
‘प्रधानमन्त्री वा सम्बन्धित मन्त्रालय साथै उपप्रधानमन्त्रीलाई पनि जानकारी नदिई अटो प्राइसिङ भनेको आयल निगमको स्वतन्त्रता होइन । सरकारबाट अलग जाने भन्ने होइन । राज्यभित्रकै अंग हो । त्यसकारण अहिलेको परिस्थितिमा त्यो मूल्य फिर्ता लिनुपर्छ भन्ने निर्णय गरियो र त्यही निर्णय बमोजिम मूल्यवृद्वि फिर्ता लिएको छ,’ प्रधानमन्त्री प्रचण्डले भने ।
