Opens in a new tab
२०८३ मंसिर ६, शनिबार
८:०६:२३ बिहान
- ADVERTISEMENT -

पाकिस्तानकै प्रस्तावअनुसार एशिया कप आयोजना हुने, भारतले यस्तो शर्त राख्ने

प्रकाशित मिति: २०८० जेठ ८, सोमबार

131
Shares

काठमाडौं । श्रीलंका र बंगलादेशपछि अफगानिस्तान र नेपालले पनि आगामी एशिया कप २०२३ को आयोजना गर्न पाकिस्तानको ‘हाइब्रिड’ मोडेललाई समर्थन गर्ने घोषणा गरेपछि यसले भारतलाई क्षेत्रीय प्रतियोगितामा आफ्नो सहभागिताको सन्दर्भमा अप्ठ्यारो स्थितिमा पारिदिएको छ । यससँगै भारतले पाकिस्तानकै प्रस्तावअनुसार प्रतियोगिता खेल्ने स्थिति आएको छ ।

तनावग्रस्त कूटनीतिक सम्बन्धका कारण र सुरक्षा चिन्ताको कारणले गर्दा भारतले पाकिस्तान भ्रमण गर्न अस्वीकार गरेको छ । भारतको चिन्तालाई ध्यानमा राख्दै पाकिस्तान क्रिकेट बोर्ड (पीसीबी)ले भारतलाई संयुक्त अरब इमिरेट्समा एशिया कपका खेलहरू खेल्न अनुमति दिने ‘हाइब्रिड मोडेल’ प्रस्ताव गरेको छ । भारतीय क्रिकेट कन्ट्रोल बोर्ड (बीसीसीआई) ले प्रस्तावको औपचारिक प्रतिक्रिया दिन बाँकी छ ।

स्रोतका अनुसार पाकिस्तानले ‘हाइब्रिड मोडेल’ को लागि चार प्रमुख देशहरूको समर्थन प्राप्त गरेका कारण भारतसँग आफ्नो सहभागिता सुनिश्चित गर्न कम विकल्पहरू बाँकी छन् । पीसीबीले हाइब्रिड मोडलमा दुईवटा विकल्पहरू प्रस्ताव गरेको छ र एसीसीका सबै सदस्यहरूलाई आफ्नो प्रस्तावमा सहमत हुन मनाउने प्रयास गरिरहेको छ ।

पहिलो विकल्पमा भारतले आफ्ना खेलहरू तटस्थ स्थानमा खेल्नेछ भने अन्य सबै खेलहरू पाकिस्तानमा खेलिनेछन् । अर्को विकल्पमा, पहिलो चरणमा समूह चरणका चार खेलहरू पाकिस्तानमा हुनेछन् भने दोस्रो चरणमा खेलहरू तटस्थ स्थानमा खेलाइनेछन् । तटस्थ स्थानमा खेलाइने खेलहरुमा भारतीय टोलीका खेलहरू, समूह चरणपछि सुपर ४ का सबै खेलहरु र फाइनल समावेश छन् ।

स्रोतका अनुसार श्रीलंका, बंगलादेश, अफगानिस्तान र नेपालका क्रिकेट बोर्डहरू दोस्रो विकल्पमा सहमत भएका छन्, जसअनुसार यी टोलीहरूले आफ्ना समूह चरणका खेलहरू पाकिस्तानमा खेल्नेछन् । नेपालले भने समूह चरणको एउटा खेल तटस्थ स्थानमा खेल्नेछ किनकि नेपालको समूह चरणको एउटा खेल भारतसँग छ र भारत पाकिस्तान आउने छैन ।

तर, दोस्रो चरणको खेल श्रीलंका वा दुबईमा आयोजना गर्ने भन्नेमा गतिरोध कायम छ किनभने पाकिस्तान बाहेक सबै देश दक्षिण एसियाली राष्ट्रमा आयोजना गर्ने पक्षमा छन् । पीसीबी भने युएइलाई तटस्थ स्थान बनाउन चाहन्छ किनकि यसले गेटको पैसा उनीहरूको खातामा जाने सुनिश्चित गर्दछ । तर, श्रीलंकाका दुई सहर दाम्बुला र पल्लेकेलेलाई पनि तटस्थ स्थान मान्न सकिन्छ ।

चार प्रमुख टोलीको सहमति र पीसीबी प्रमुख नजम सेठीले एसियाली क्रिकेट काउन्सिल (एसीसी) समक्ष पेश गरेको कडा अडानले भारतलाई कठिनाइमा पारेको स्रोतले बताएको छ । सेठीलाई भेटेका एसीसी उपाध्यक्षले एसीसीका अध्यक्ष जय शाहलाई बैठकको विस्तृत विवरण दिएको स्रोतले जनाएको छ ।

स्रोतका अनुसार सबै देशले सहमति जनाएकोले भारत पनि पाकिस्तानकै प्रस्तावमा सहमत हुन बाध्य हुने अवस्था छ । तर, पाकिस्तानको हाइब्रिड मोडलमा सहमति जनाएको बदलामा उसले पाकिस्तानलाई विश्वकपका लागि भारत भ्रमण गर्नुपर्ने सर्त राख्ने सम्भावना भएको स्रोतले बताएका छन् । यदि यसो भयो भने पाकिस्तान क्रिकेट बोर्डले आफ्नो सरकारसँग सल्लाह गर्नुपर्ने हुन सक्छ ।

बीसीसीआईको विशेष बैठकको अवसरमा शाहले एसिया कप २०२३ का बारेमा अधिकारीहरूको राय पनि लिन सक्ने स्रोतले बताएको छ । जारी इन्डियन प्रिमियर लिग (आईपीएल) मा शाहको व्यस्तताका कारण विश्वकप र एसिया कपसँग सम्बन्धित विषयहरुमा छलफल हुन ढिलाइ भइरहेको उनीहरुले बताएका छन् । आइपिएलको फाइनलको अघिल्लो दिन बीसीसीआइको विशेष साधारण सभा बस्दैछ जसमा यस विषयमा निर्णय हुन सक्छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -