काठमाडौं । नेकपा (एमाले) का अध्यक्ष केपी शर्मा ओली अस्वस्थ भएका छन् ।
आफू भाईरल ज्वरोका कारण अस्वस्थ भएको उनले बताएका छन् । “अहिले म एन्टिबायोटिक औषधि खाएर निवासमै आराम गरिरहेको छु,” उनले जानकारी दिएका छन् ।
उनले आफू सहभागी हुन नपाएपनि वैशाख १० मा हुने निर्वाचनमा खट्न नेता/कार्यकर्ताहरूलाई निर्देशन दिएका छन् । आफू निको भएर भेट्न आउने उल्लेख गर्दै उनले भनेका छन्, ‘तपाईंहरूको प्रतिनिधित्वका लागि एमालेका उम्मेदवारहरू योग्य उम्मेदवार हुनुहुन्छ । उहाँहरूलाई विजय गराउनुहुन तनहुँ–१, चितवन–२ र बारा–२ का आम मतदाताहरु समक्ष म विनम्र आग्रह गर्दछु ।’








































