काठमाडौं । लुम्बिनी प्रदेशको मुख्यमन्त्री डिल्लीबहादुर चौधरी बन्ने पक्का भएको छ ।
दाङ ३ को १ बाट निर्वाचित चौधरीलाई मुख्यमन्त्री बनाउन प्रदेश सभाका ५३ जना सांसदहरूले हस्ताक्षर सङ्कलन गरेको कांग्रेस सांसद वसीउद्दीन खाँले बताए । ‘५३ जना सांसदहरूको समर्थन जुटेको छ । हामी सरकारको दाबी पेशको प्रक्रियामा छौँ,’ खाँले भने ।
अहिले मुख्यमन्त्रीका रूपमा नेकपा (एमाले) का नेता लीला गिरि छन् । तर, उनले नेकपा (माओवादी केन्द्र) समर्थन फिर्ता लिएसँगै बहुमत गुमाइसकेका छन् ।
यसअघि सरकारमा सहभागी भएका माओवादी केन्द्रका तीन मन्त्रीले राजीनामा बुझाइसकेका छन् ।








































