अशोक लेल्यान्डको गाडी किन्न नबिल बैंकले ७० प्रतिशतसम्म ऋण दिने भएको छ । अशोक लेल्यान्डको नेपालका लागि आधिकारिक बिक्रेता आईएमई मोटर्स र नबिल बैंकबीच सवारीसाधनका लागि कर्जा उपलब्ध गराउनेसम्बन्धी सम्झौता सम्पन्न भएको हो ।
सम्झौतापत्रमा आईएमई मोटर्सको तर्फबाट सीईओ हेमन्त पुराणिक र बैंकको तर्फबाट कर्पोरेट हेड चाँदनी श्रेष्ठले हस्ताक्षर गरेका हुन् । अशोक लेल्यान्डका देशभर रहेका १७ शोरुम वा नबिल बैंकको कुनै पनि शाखाबाट ग्राहकले सो अफरअन्तर्गतको सुविधा प्राप्त गर्न सक्ने कम्पनीले जनाएको छ ।
अशोक लेल्यान्डका सवारीसाधन किन्नका लागि बैंकले अधिकतम ७० प्रतिशतसम्म सुलभ ब्याजदरमा सवारी कर्जा उपलब्ध गराउने कम्पनीले जनाएको छ । कर्जा प्राप्त गर्नका लागि सहज र सरल प्रक्रिया अपनाइने र नेपाल राष्ट्र बैंकको नीति निर्देशनअन्तर्गत रहेर सो कर्जा उपलब्ध गराइने कम्पनीले जनाएको छ ।
नेपालको कमर्सियल सवारीसाधन बजारमा अशोक लेल्यान्डको बलियो उपस्थिति छ र देशभर शोरुम तथा सर्भिसिङसहितका टच प्वाइन्ट विस्तार कार्यलाई कम्पनीले निरन्तरता दिइरहेको छ ।
विगत दुई वर्षयता कम्पनीले आक्रामक रूपमा बजार विस्तार गरिरहेको छ र बजार हिस्सासमेत वृद्धि गर्दै गएको छ ।
हाल अशोक लेल्यान्ड नेपालको दोस्रो ठूलो कमर्सियल भेहिकल ब्रान्ड बनेको छ । हालै कम्पनीले प्रसिद्ध लाइट कमर्सियल भेहिकल ‘दोस्त’ का लागि पाँचवर्षे वारेन्टी घोषणा गरेको छ, जसले ग्राहकलाई सहज रूपमा स्वामित्वको अनुभूति प्रदान गर्ने कम्पनीको विश्वास छ ।








































