काठमाडौँ – नेकपाका महासचिव नेत्रविक्रम चन्द ‘विप्लव’ले छोरीहरू मेहनती र जिम्मेवार हुने बताएका छन्।
बुधबार अखिल (क्रान्तिकारी) पद्मकन्या बहुमुखी क्याम्पस इकाई समितिले आयोजना गरेको स्ववियु निर्वाचन केन्द्रित सांकृतिक कार्यक्रमलाई सम्बोधन गर्दै उनले यस्तो बताएका हुन्।
छोराहरूभन्दा छोरीहरूमा धीरता हुने र जिम्मेवारी पनि सहजै वहन गर्ने क्षमता छोरीमान्छेमा हुने उनको भनाइ छ। कार्यक्रममा सम्बोधनका क्रममा चन्दले छोरीमान्छेहरू नेतृत्व तहमा आउनु आवश्यक रहेको र यसको लागि आफ्नो संगठले सक्दो पहल गरिरहेको बताएका छन्।
‘सबैभन्दा बढी मेहनती हाम्रो छोरीहरू छन् । मेरोपनि छोरा पनि छन् छोरी पनि, छोराहरूले पनि मेहत गर्दछन् तर पनि छोरीहरुमा सदभाव हुन्छ, कमलो हृदय हुन्छ, श्रम गर्छन, छोरीहरुमा दाइटो बोध पनि हुन्छ।’ उनले भने।








































