बागमती प्रदेश सभाको बैठक आज १ बजेका लागि बोलाइएको छ । दलहरूबीच विवाद कायम रहेका बेला सो प्रदेश सभाको बैठक आज बिहीबारका लागि बोलाइएको हो । सभामा प्रतिनिधित्व गर्ने सात दलबीच संसदीय समितिको नेतृत्वको विषयमा विवाद भएपछि माघ २३ गते सोमबार स्थगित भएको बैठक आजका लागि बोलाइएको हो ।
आजको बैठकमा प्रदेश प्रमुख यादवचन्द्र शर्माले सम्बोधन गर्ने कार्यसूची तय गरिएको छ । प्रदेशसभा सचिवालयले सर्वदलीय सहमतिमै बैठक आह्वान गरे पनि ‘सभाले बैठकको बिजनेस प्राप्त गर्न सकेको छैन ।
बागमती प्रदेशसभामा नेपाली कांग्रेसका ३७, नेकपा (एमाले) का २७, नेकपा (माओवादी केन्द्र) का २१, नेकपा समाजवादी पार्टीका ७, राप्रपाका १३, नेमकिपाका तीन र हाम्रो नेपाली पार्टीका दुई गरी एक सय १० जना सांसद छन् ।








































