काठमाडौं– मंसिर ४ गते सम्पन्न प्रतिनिधिसभाको निर्वाचनमा समानुपातिकतर्फ नेकपा एमालेले आफ्नो अग्रतालाई निरन्तरता दिएको छ ।
निर्वाचन आयोगले आइतबार बिहान ७ः३० बजे अद्यावधिक गरेको तथ्यांक अनुसार यतिबेला एमालेले समानुपातिकतर्फ २२ लाख ७९ हजार ८ सय २२ मत पाएको छ ।
यतिबेला काँग्रेस भन्दा एमाले एक लाख ५ हजार २ सय १७ मतले अघि छ ।
दोस्रो स्थानमा रहेको नेपाली काँग्रेसले २१ लाख ७४ हजार ६ सय ५ मत पाएको छ ।
तेस्रो स्थानमा रहेको नेकपा माओवादी केन्द्रले ९ लाख ५२ हजार ९ सय ७३ मत पाएको छ ।
चौथो स्थानमा रहेको राष्ट्रिय स्वतन्त्र पार्टीले ९ लाख १५ हजार ९ सय ७२ मत पाएको छ ।
त्यस्तै पाँचौं स्थानमा रहेको राष्ट्रिय प्रजातन्त्र पार्टीले ४ लाख ८३ हजार ८ सय ८५ मत पाएको छ ।








































