काभ्रे : काभ्रे जिल्ला मण्डन देउपुर नगरपालिकाको कुन्ताबेशीकि सोनाली सापकोटा मिस ईन्टरग्लोवलमा सहभागी हुन नाइजेरिया गएकी छिन । उनी शुक्रबार बिहान ७:४५ को टर्किस एयरलाईन्सबाट नाईजेरिया जाने भएकी हुन ।
उनलाई विमानस्थलमा आरके ईन्टरटेन्मेन्ट ग्रुपका अध्यक्ष लक्की राम केसीले विदाई गरेका हुन । नेपालको पर्यटन क्षेत्रको विकास र प्रचारप्रसारमा योगदान दिने उदेश्य लिएर उनी यो प्रतिस्पर्धामा सहभागी हुने भएकी हुन् ।
हाल नेपालको सुस्ताएको पर्यटन क्षेत्रको प्रचार प्रसार , प्रवर्द्धन गर्ने उदेश्यले आउदो २०२२ को सेप्टेम्बर ३० बाट हुने मिस ईन्टरग्लोवलमा सहभागी हुन नेपालको तर्फबाट प्रतिनिधित्व गर्न उनी नाइजेरिया गएको अध्यक्ष केसिले बताए ।
आफ्नो मेहनत , कला र सृजना माध्यमबाट नेपालको पर्यटन र संस्कृतीको अन्तर्राष्ट्रिय मंचमा प्रचार प्रसार साथै आफु जन्मेको नगर मण्डन देउपुरको पर्यटनमा योगदान दिने उनले वाचा गरेकी छिन । जन्मभुमिलाई चिनाउने महान कार्यमा आफुलाई समर्पित गर्ने पनि उनले जनाएकी छिन ।
सानै देखी मिहिनेती ,लगनशील अनि नृत्यकलामा उत्तिकै पारङत छिन , वाककलामा माहिर उनको मधुरस्वरले सबैलाई उत्तिकै मुग्ध देखिन्छ ।








































