काठमाडौं (हाम्रो खेलकुद)– अखिल नेपाल फुटबल संघ (एन्फा) को विशेष साधारण सभा बुधबार बिहान सुरु भएको छ । राजाधानीमा जारी विशेष साधारण सभाले असार ६ गते प्रतिस्पर्धा गरेका केन्द्रिय सदस्यका ४ उम्मेदवारबाट २ जना निर्वाचित गर्नेछ ।
२१ सदस्यीय कार्यसमितिको निर्वाचनबाट अध्यक्ष, पदाधिकारी, सदस्य गरि १९ जना निर्वाचित भएका थिए । बाँकी २ सदस्यको टुंगो लाग्न बाँकी थियो । मत परिणाममा अन्तिम ४ सदस्य उम्मेदवारको मत बराबरीभएपछि विशेष साधारण सभाबाट टुंगाउने निर्णय अनुसार आज सभा हुन लागेको हो ।
४ उम्मेदवारमा लोकेन्द्र गुरुङ, दीपक थापा, रुपेश अधिकारी र दिपेन्द्र धिमाल छन् । पछिल्ल्लो निर्वाचनमा चारै जनाले समान ३९ मत प्राप्त गरेका थिए । धिमाल अध्यक्ष पंजकविक्रम नेम्वाङ र बाँकी तीन निर्वतमान अध्यक्ष कर्मा छिरिङ शेर्पाको समूहबाट निर्वाचन प्रतिस्पर्धामा छन् ।








































