काठमाडौं । नेपाली चलचित्र प्रेमगीत–३ को हिन्दी स्वरांकनलाई नेपाली चलचित्रको मान्यता दिनुपर्ने निर्माताको माग केही दिनदेखि विवादमा थियो । अन्नतः हिन्दी डब प्रेमगीत–३ लाई नेपालमा पुनः सेन्सर गरेर प्रदर्शन गर्न निर्माण पक्ष राजी भएको छ ।

एकथरीले प्रेमगीत–३ को हिन्दी संस्करणलाई नेपाली फिल्मको मान्यता दिनुपर्ने र यसलाई पुनः सेन्सर गर्नु नपर्ने आवाज उठाएका थिए । अर्को पक्षले त्यसलाई हिन्दीकै रूपमा लिनुपर्ने प्रतिक्रिया दिँदै आएका थिए ।

हिन्दी संस्करणलाई चलचित्र विकास बोर्डले नेपाली फिल्मको मान्यता नदिएको गुनासो यो चलचित्रका निर्माता सन्तोष सेनको छ । भारतमा हिन्दीमा स्वरांकन भएर सेन्सर भएको प्रेमगीत–३ लाई नेपालमा पुनः सेन्सर गर्नु नपर्ने दाबी निर्माता सेनको छ । उनको दाबीलाई बेवास्ता गर्दै चलचित्र विकास बोर्डले पुनः सेन्सरका लागि निर्देशन दिएको थियो ।

हिन्दी स्वरांकनलाई नेपाली फिल्म किन नमान्ने भनेर चलचित्र प्रेमगीत–३ को विवाद’bout सञ्चार मन्त्रालयले पत्र काटेपछि चलचित्र विकास बोर्डका अध्यक्ष भुवन केसीले सो चलचित्रको सेन्सरमा कुनै अवरोध नपु-याएको बताएका छन् ।

चलचित्र विकास बोर्डतर्फबाट आइतबार एक विज्ञप्ति जारी गर्दै अध्यक्ष केसीले यसअघि आशुषेन फिल्मस प्रोडक्सनका तर्फबाट प्रेमगीत–३ को हिन्दी संस्करण सेन्सरका लागि आवश्यक कर चुक्ता कागजात प्राप्त नभएको बताएका छन् । १५ दिनभित्र सो कागजात दिने सहमतिमा आपूmहरूले प्रेमगीत–३ को हिन्दी भर्सनका लागि सेन्सरको आवश्यक कागजात उपलब्ध गराएको केसीले बताएका छन् ।
हिन्दी भाषामा स्वरांकन गरिएको प्रेमगीत–३ लाई नेपालमा सेन्सर नगरी नेपालभर प्रदर्शन गर्न पाउनुपर्ने माग निर्माता सन्तोष सेनले राखेको बोर्ड अध्यक्ष केसीको भनाइ छ । तर, चलचित्र ऐनअनुसार हिन्दीमा स्वरांकन गरिएको र भारतमा सेन्सर भएको फिल्मलाई नेपालमा सेन्सर गर्नुपर्ने प्रावधान रहेकाले सोहीअनुसारको निर्देशन आफुले दिएको पनि केसीले बताएका छन् ।

यो चलचित्रको हिन्दी संस्करणलाई निर्माता सेनले नेपालमा रिलिजको तयारी गर्दै छन् । त्यसका लागि आवश्यक सबै कागजात आपूmहरूलाई आइतबार प्राप्त भएको बोर्ड अध्यक्ष केसीले विज्ञप्तिमार्फत जनाएका छन् । नेपाली व्यानरमा नेपालमै यो चलचित्र निर्माण भएकाले अरू हिन्दी सिनेमा जस्तो १५ प्रतिशत विकास शुल्क यो चलचित्रमा नलाग्ने बताइएको छ । यसअघि हिन्दी डबलाई नेपालमा सेन्सर नगर्ने अडानमा रहेका निर्माण पक्षले हिन्दीलाई पनि सेन्सर गरेका छन् । सोही कारण अब हिन्दी संस्करणलाई पनि नेपालमा रिलिज गरिने भएको छ ।

चलचित्र प्रेमगीत–३ को हिन्दी संस्करणको निर्मातामा ब्यंकटेस इन्टरटेनमेन्ट रहेको छ । नेपालीमा भने आयुसेन फिल्मस् प्रोडक्सन रहेको छ । भारतमा निर्माण कम्पनी नै अलग रहेकाले यसको हिन्दी डबलाई नेपालमा पुनः सेन्सर गर्नुपरेको चलचित्र विकास बोर्डले विज्ञप्तिमार्फत जनाएको छ । प्रेमगीत–३ को नेपाली भर्सनको यसअघि नै सेन्सर गरेर ७ असोजबाट यसलाई देशव्यापी सिनेमा हलमा रिलिज गरिएको छ । अब नेपालीको ठाउँमा प्रेमगीत–३ हिन्दीलाई प्रदर्शन गरिने भएको छ । हिन्दी संस्करण भने भारतसहित विभिन्न देशमा अहिले प्रदर्शन भइरहेको छ ।

सन्तोष सेन र छेतेन गुरुङको निर्देशनमा बनेको चलचित्र प्रेमगीत–३ मा प्रदीप खड्का, क्रिस्टिना गुरुङ, शिव श्रेष्ठ, सुनिल थापा, मनीष राउत, प्रेम पुरी, लक्ष्मी बर्देवा, माओत्से गुरुङसहितको मुख्य भूमिका रहेको छ ।

जानकारीको लागी तल फोटोमा किल्क गर्नु होला ,सुमेघ ट्राभल्स्