गोरखा श्रावण २६
नेपाली कांग्रेसका केन्द्रिय सदस्य सुरेन्द्रराज पाण्डेले गोरखा क्षेत्र नम्बर २ मा आफ्नो दावी स्वभाविक रहेको बताएका छन् । २०७०, २०७४ को निर्वाचनमा संसदिय समितिले टिकटका लागि निर्णयगर्दापनि आफुले छाड्नुपरेको प्रशंग जोड्ने उनले भने ‘यो पटक मेरो दावीस्वभाविक हो, पार्टीले निर्णय गर्न बाँकी छ ।’ नेपाल समाजवादी पार्टीका अध्यक्ष बाबुराम भट्टराई, माओवादी केन्द्रका नेतानारायणकाजी श्रेष्ठको क्षेत्र भएकाले चर्चामा रहेको गोरखा २ का बारेमा गठबन्धन भित्रको ठूलो दल कांग्रेसका केन्द्रिय सदस्य पाण्डेलेयस्तो बताएका हुन् ।
नेपाल प्रेस युनियन गोरखाले बिहिवार आयोजना गरेको पत्रकार भेटघाटका क्रममा उनले गठबन्धन हुँदापनि कांग्रेसले गोरखा २ दावी गर्नेबताए । ‘२०७४ को निर्वाचनमा कांग्रेसको मतले बाबुराम भट्टराईले चुनाव जित्नुभयो, त्यसपछि उहाँको अभिब्यक्ति र ब्यवाहारले कांग्रेसकार्यकर्ता, सुभेच्छुक, मतदाता असन्तुष्ट छन्’ उनले भने । रुख चिन्न बाहेक अन्यमा मतदान नगर्ने कार्यकर्ताको दबाव रहेकाले यस पटकगोरखा २ कांग्रेसले लिनुपर्ने उनले बताए ।
गठबन्धनमा रहेका दुई दल कांग्रेस र माओवादीबिच गोरखामा बरावर सिट बाँडफाँड हुने उनको दावी छ । ‘यहाँको मतान्तर हेर्न हो भनेकांग्रेस र माओवादी उस्तै छ’ उनले भने ‘गठबन्धनका अन्य दलको कमजोर उपस्थिती भएकाले यहाँ दुई पार्टी बिच बरावर क्षेत्र बाँडफाँडहुन्छ ।’ जिल्ला र केन्द्र स्तरका नेताहरुसँग पनि यसै अनुसार छलफल भईरहेको उनले बताए
गोरखामा दुईवटा संघिय निर्वाचन क्षेत्र र चारवटा प्रदेश क्षेत्र छ । गोरखा क्षेत्र नम्बर २ कांग्रेसले लिने र १ माओवादीलाई दिने गरीसहमती हुन सक्ने उनले बताए । ‘फेरी कांग्रेस बाहेकलाई गठबन्धनबाट टिकट दिँदा त्यहाँका कार्यकर्ताले बिद्रोह गर्न सक्छन्, हामीलेअपेक्षा गरे अनुसार परिणाम नआउने खतरा पनि हुन सक्छ’ केन्द्रिय सदस्य पाण्डेले भने । दुई क्षेत्रमा एक÷एक वटा लिएर र प्रदेश पनिबरावरी बाँडेर कांग्रेस माओवादी गठबन्धन सहित जाँदा चुनाव जित्ने दावी उनको छ ।
गठबन्धन दलले उम्मेदवार चयन गर्दा भने एक अर्को पार्टीका कार्यकर्ताले भोट हाल्ने खालका चयन गर्नुपर्नेमा उनले जोड दिए । राष्ट्रियराजनीतिको आवस्यकता अनुसार गठबन्धन दलहरुले आफ्ना उम्मेदवारलाई बिजयी गराउन नसकेको खण्डमा गठबन्धनको औचित्यनहुने केन्द्रिय सदस्य पाण्डेले बताए । पत्रकार सम्मेलनमा कांग्रेस केन्द्रिय सदस्य अब्दुल सतारले गठबन्धनको निर्णय अनुसार अघि बढ्नेबताउँदै भने ‘गठबन्धन हुँदा गोरखा क्षेत्र नम्बर २ यो पटक कांग्रेसले नै पाउनुपर्छ ।’ साथै उनले उम्मेदवार बन्ने चाहना र दावी स्वभाविकभएको बताए । ‘पार्टीको निर्णय मानेर अघि बढ्छौँ’ उनले भने ।
कांग्रेस केन्द्रले भदौ २ गतेबाट देशभर कार्यकर्ता परिचालन गर्ने निर्णय गरेको छ । चुनाव केन्द्रित कार्यक्रम सुरु गरिसकेको गोरखाकांग्रेसले अग्रजहरु सँग अन्तरक्रिया, वडादेखि पालिका र जिल्लास्तरमा रहेकाहरु सँग छलफल सुरु गरिसकेको जनाएको छ । उनी यीनैकार्यक्रममा सहभागी हुन गोरखा आएका हुन् ।








































