काठमाडौं, शनिबार, १२ चैत्र २०७८ । सञ्चारिका समूह नेपालको आठौँ महाधिवेशनबाट अध्यक्षमा विमला तुम्खेवा विजयी हुनु भएको छ । गएराति घोषणा भएको मतपरिणाम अनुसार तुम्खेवाले कमला पन्थीलाई दुई मतले पराजित गर्दै विजयी हुनु भएको हो ।
विमलाले ८५ मत ल्याउनु भएको थियो भने उहाँसँग पराजित हुने कमला पन्थीले ८३ मत प्राप्त गर्नु भएको थियो । त्यस्तै उपाध्यक्षमा पवित्रा सुनार, महासचिवमा वसन्ती बास्तोला, सचिवमा दुर्गा कार्की र कोषाध्यक्षमा उर्वसी बस्न्यात विजयी हुनु भयो ।
उपाध्यक्षमा पवित्राले गीताकुमारी मैनालीलाई पराजित गर्दै महासचिवमा वसन्तीले यशोदा अधिकारीलाई पराजित गर्नुभयो । त्यस्तै सचिवमा दुर्गाले पवन वर्षा शाहलाई पराजित गर्दै कोषाध्यक्षमा उर्वसीले कृति भट्टराईलाई पराजित गर्नुभयो ।
महाधिवेशनबाट सदस्यहरूमा आठ जना विजयी हुनु भएको छ । सदस्यमा सलोजा दाहाल, पार्वता चौधरी, सजना तामाङ, बुनुना राई, मञ्जिमा ढकाल, लोग्सरी कुँवर, पवित्रा मुडभरी र राधा खनाल विजयी हुनु भयो ।
- ADVERTISEMENT -
