काठमाडौं, आइतबार, १६ माघ २०७८ । पछिल्लो २४ घण्टामा नेपालमा थप ३५४० जनामा कोरोना भाइरसको संक्रमण पुष्टि भएको छ ।
स्वास्थ्य तथा मन्त्रालयका अनुसार पछिल्लो २४ घण्टामा ९९१० जनाको पीसीआर परीक्षण गर्दा ३ हजार ४९ जना र ३२३५ जनाको एन्टीजेन परीक्षण गर्दा ४९१ जना गरी ३५४० जनामा कोरोना संक्रमण देखिएको हो ।
यस्तै, आज थप ६३५९ जना कोरोना संक्रमण मुक्त भएका छन् । संक्रमणबाट थप ३२ जनाको मृत्यु भएको छ । माघ १३ गतेदेखि १६ गतेसम्म वीरेन्द्र अस्पतालमा १२ जना र बाँकी २० जना विभिन्न अस्पतालमा गरी ३२ जनाकाे मृत्यु भएको प्रवक्ता डा. संगीता मिश्राले बताइन् ।
योसँगै देशभर सक्रिय संक्रमितको संख्या ८३ हजार ९९९ जना छ । पछिल्लो २४ घण्टाको कूल पीपीआर परीक्षण गर्दा ३० दशमलव ८ संक्रमण दर रहेको उनले जानकारी दिइन् ।
- ADVERTISEMENT -
