काठमाडौं । सत्तारुढ गठबन्धनमा रहेका दलहरुबीच जेठ मसान्तभित्र स्थानीय तहको निर्वाचन गर्ने सहमति भएको छ ।
प्रधानमन्त्रीको सरकारी निवास बालुवाटारमा शनिबार साँझ बसेको बैठकमा जेठ मसान्तभित्र निर्वाचन गर्ने प्रधानमन्त्री एवम् कांग्रेस सभापति शेरबहादुर देउवाको प्रस्तावमा सबै दलका नेताहरु सहमत भएका हुन् ।
अब सरकारले निर्वाचन आयोगसँग परामर्श गरेर निर्वाचनको मिति तोक्ने सञ्चार तथा सूचनाप्रविधि मन्त्री ज्ञानेन्द्रबहादुर कार्कीले जानकारी दिए ।








































