काठमाडौं, बिहिबार, १३ माघ २०७८ । पछिल्लो २४ घण्टामा नेपालमा थप ८ हजार १७ जनामा कोरोना भाइरसको संक्रमण पुष्टि भएको छ ।
स्वास्थ्य तथा मन्त्रालयका अनुसार पछिल्लो २४ घण्टामा पीसीआर विधिबाट १५ हजार ७ सय ३६ र एन्टिजेन विधिबाट ६ हजार ७२ जनामा परिक्षण गर्दा ८ हजार १७ जनामा कोरोना संक्रमण देखिएको हो ।
यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ९ लाख ३९ हजार २ सय ६७ र एन्टिजेन विधिबाट भएको परीक्षणमा १ लाख २२ हजार ८ सय ३८ जना पुगेको छ।
यस्तै, आज थप ५ हजार २९२ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख ३७ हजार ४ जना पुगेको छ । पछिल्लो २४ घण्टामा संक्रमणबाट १५ जनाको मृत्यु भएको जानकारी छ । नेपालमा कोरोनाबाट ज्यान गुमाउनेको कुल संख्या ११ हजार ६ सय ८७ छ ।
- ADVERTISEMENT -
हाल देशभर सक्रिय संक्रमितको संख्या ९० हजार ५ सय ७६ रहेको छ ।
