काठमाडौं, शुक्रबार, ७ माघ २०७८ । प्रधानमन्त्री शेरबहादुर देउवाले आज देशबासी नाममा सम्बोधन गर्नु भएको छ ।
२९ असारमा प्रधानमन्त्री भएपछि देउवाले पहिलो पटक देशबासीलाई सम्बोधन गर्नु भएको हो ।
गठबन्धन सरकारले ६ महिना पूरा गरेको सन्दर्भमा राष्ट्रका नाममा सम्बोधन गर्दैै प्रधानमन्त्री देउवाले तीनै तहको निर्वाचन तयारी अगाडि बढाइएको बताउनु भएको छ ।
सम्बोधनमा देउवाले एक वर्षभित्रै तीनवटै तहको निर्वाचन गर्नुपर्ने दायित्व सरकारको काँधमा रहेको बताउदै निर्वाचनको पूर्वतयारी गर्न देउवाले सम्बन्धित निकायहरुलाई आग्रह समेत गर्नु भयो ।
प्रधानमन्त्रीले स्थानीय तह, प्रतिनिधिसभा र प्रदेश सभाको निर्वाचन एक वर्षभित्रै हुने भएकाले तयारीमा रहन निर्देशन दिनु भएको हो ।
प्रमख राजनीतिक दलहरूबीच निर्वाचनको विषयमा छलफल चलिरहेका बेला प्रधानमन्त्रीले तीनै तहको निर्वाचन एक वर्षभित्र गर्ने घोषणा गरे पनि कुन निर्वाचन कहिले गर्ने भन्ने खुलाउनु भएन ।
आगामी वैशाखमा स्थानीय तहको कार्यकाल सकिँदैछ । सत्तारुढ गठबन्धनमा निर्वाचनको मिति तोेक्नेबारे सहमति जुटिसकेको छैन ।








































