गोरखा ट्रक दुर्घटना अपडेट : २ वर्षीय बालिकासहित तीन जनाको मृत्यु

गोरखामा मिनि ट्रक दुर्घटना हुदा तीन जनाएको मृत्यु भएको छ । शुक्रबार ११ बजे आरुघाटबाट माछाखोला तर्फ जादै गरेको मिनि ट्रक दुर्घटना हुदा तीज जनाको मृत्यु भएको छ ।

बा ५ ख ६५६६ नम्बरको सो मिनि ट्रक सडकबाट सय मिटर तल बुढीगण्डकीमा खसेको जिल्ला प्रहरी कार्यालय गोरखाका डिएसपी प्रकाश दाहालले बताएका छन।

मृत्यु हुनेहरुमा धादिङ, त्रिपुरासुन्दरी गाउँपालिका वडा नं ४ टारीगाउँका २३ वर्षीय निराजन नेपाल र सोहि वडाका २० वर्षीय दिपक परियार रहेका छन् ।

त्यस्तै, धार्चे गापा ३ उहियाका २ वर्षीय छोरी सपना गुरुङको माछीखोलामा मृत्यु भएको प्रहरीले जनाएको छ ।

अन्य घाइते तीन जना मध्य धार्चे ५ सिङलाका आसमान गुरुङको टाउको र शरीरको अन्य भागमा समेत गम्भिर चोट लागेको छ । उनको आरुघाट स्थित प्राथमिक स्वास्थ्य केन्द्रमा उपचार भइरहेकोमा थप उपचारका लागि काठमाडौ स्थिट ट्रमा सेन्टरमा पठाइएको दाहालले बताए ।

त्यस्तै, धार्चे ३ उहियाका २६ वर्षीय शरणी गुरुङ र धार्चे ५ माछीखोलाका अस्मिता गुरुङको शरीरको विभिन्न भागमा चोट लागेको छ । उनीहरुलाई थप उपचारका लागि प्रभु एयरको हेलिकप्टरद्धारा उद्धारी गरी काठमाडौ स्थित टिचिङ अस्पतालनमा पठाइएको डिएसपी दाहालले जानकारी दिए ।
उक्त दुर्घटनाको कारण हाल सम्म खुल्न नसकेको बताइएको छ ।