काठमाडौँ । बेल्जियमका स्ट्राइकर रोमेलु लुकाकुले चेल्सी छोड्न चाहेको सार्बजनिक रुपमा बताएका छन् । गत सिजनमा इन्टर मिलानबाट चेल्सी आएका लुकाकुले केहि महिनामा नै आफ्नो पूर्व टिम इन्टरमा फर्कने आफ्नो इच्छा सार्वजनिक रूपमा व्यक्त गरेका हुन् ।
स्काई स्पोर्ट्ससँगको अन्तर्वार्ताका क्रममा लुकाकुले चेल्सीका प्रशिक्षक थोमस टुचालको रणनीतिप्रति असन्तुष्टि व्यक्त गर्दै आफु अहिलेको चेल्सीको अवस्थाबाट खुशी नभएको बताएका छन् ।
पछिल्लो दुई खेलमा दुई पटक गोल गरेका लुकाकुले चेल्सीमा टुचेलले प्रयोग गरिरहेको फर्मेसनप्रति असन्तुष्टि व्यक्त गरे ।
उनले भने- ‘शारीरिक रूपमा म ठीक छु, तर म चेल्सीको अवस्थासँग खुसी छैन । टुचेलले अर्को तरिकाबाट खेल्ने रणनीति बनाएका छन् । यसमा म खुसी छैन र यो सामान्य छ । मैले गर्न सक्ने एउटै कुरा हो हार मान्नु र व्यावसायिक रूपमा जारी राख्नु ।’
लुकाकुले फ्यानहरुसँग माफी माग्दै यस्तो हुन्छ भन्ने आफुले नसोचेको बताए । उनले आफ्नो हृदयमा इन्टर मिलान रहेको र त्यहाँ फेरि खेल्ने आशा गरेको बताएका छन् ।
उनले भनेका छन्- ‘म मेरो हृदयको मुहानबाट इन्टरमा फर्कन चाहन्छु । म यहाँ मेरो करियरको अन्त्यमा गर्न चाहन्न, म अझै उच्च स्तरमा छु ।’
लुकाकु इन्टर मिलानमा सफल सिजन पछि चेल्सी फर्किएका थिए । इन्टर मिलानलाई लागत सिजनमा ११ वर्षपछि सिरी ए को उपाधि जिताउन लुकाकुले महत्वपूर्ण भूमिका खेलेका थिए ।
म्यानचेस्टर युनाइटेडबाट २०१९ मा इन्टर मिलान गएका लुकाकुले दुइ सिजनमा पहिलो सिजनमा ३४ र दोस्रो सिजनमा ३० गोल गरेका थिए । २०२१ मा चेल्सी आएका उनले अहिलेसम्म १८ खेलमा ७ गोल गरेका छन् ।









































