काठमाडौं । रिलायन्स लाइफको प्रमुख कार्यकारी अधिकृत प्रविणरमण पराजुली कार्यकाल पूरा भएसँगै कम्पनीबाट बाहिरिएका छन् । यही पुस १२ गतेबाट चारवर्षे कार्यकाल पूरा गरी पराजुली कम्पनीको सीईओबाट बाहिरिएका हुन् ।
“चार वर्ष कार्यकाल पूरा भएसँगै अर्को कार्यकाल नदोहो¥याउने निर्णय गरेर रिलायन्स लाइफबाट बाहिरिएँ । अब बिमा क्षेत्रमा नै रहनेछु । तर, कुन संस्था, कसरी भन्ने केही दिनमा निर्णय हुनेछ,” उनले भने ।
स्रोतका अनुसार उनी अब नेपाल लाइफ इन्स्योरेन्समा जानेछन् । नेपाल लाइफ इन्स्योरेन्सका प्रमुख कार्यकारी अधिकृत सन्तोष प्रसाईंले एक वर्ष नपुग्दै राजीनामा दिएपछि कम्पनी सीईओविहीन छ ।
बिमा समितिले सीईओका लागि ६ महिनाको ‘कुलिङ’ अवधि लगाएकोले उनी डेपुटी प्रमुख कार्यकारी अधिकृत नियुक्त भएर ६ महिनासम्म कामु सीईओको रूपमा काम गर्नुपर्ने हुन्छ ।








































