पोखरा, १६ मंसिर २०७८ । नेपाली काँग्रेसका सांसद प्रकाशचन्द्र दवाडी प्रदेशसदस्य लड्ने हुनुभएको छ ।
पार्टीको १४ औँ महाधिवेशनअन्तर्गत आज र भोलि हुन लागेको गण्डकी प्रदेशको अधिवेशनमा सांसद दवाडीले प्रदेश सदस्य (खुलातर्फ) उम्मेद्वारी दिन लाग्नुभएको हो ।
उहाँले एक कार्यक्रमको आयोजना गरी आफ्नो उम्मेद्वारी समेत घोषणा गरिसक्नुभएको छ ।
विस २०७४ मंसीरमा सम्पन्न प्रतिनिधीसभा एवम् प्रदेश सभा निर्वाचनमा गोरखा क्षेत्र नं २ प्रदेश (ख) बाट निर्वाचित सांसद दवाडी गोरखामात्र नभई गण्डकी प्रदेशमा नै लोकप्रिय नेता हुनुहुन्छ ।
सांसद भएवापत पाएको तलब भत्तासमेत गाउँ र जनताको सेवामा लगाउँदै आउनुभएका दवाडीले ‘मेरो राजनीति तपाईँकै सेवाका लागि, मेरो राजनीति समाजको टेवाका लागि’ भन्ने मूल नारालाई अगाडि बढाउँदै आउनुभएको छ । सांसद दवाडीले गण्डकी प्रदेशका ११ वटै जिल्लाबाट प्रदेश अधिवेशनमा भाग लिन आउनुभएका पार्टीका केन्द्रीय पदाधिकारी, महासमिति सदस्य, महाधिवेशन प्रतिनिधी, जिल्ला सभापति, क्षेत्रीय सभापति, प्रदेश निर्वाचन क्षेत्रीय सभापति, प्रदेश अधिवेशन प्रतिनिधीहरुलाई हार्दिक स्वागत समेत गर्नुभएको छ ।








































