काठमाडौँ, शुक्रबार, २५ भाद्र २०७८ । २० जिल्लामा क्रियाशील सदस्यता विवाद हुँदा वडा अधिवेशन नै हुन नसकेपछि नेपाली काँग्रेसले महाधिवेशनको पूर्व निर्धारित कार्यतालिका फेरी संशोधन गरेको छ ।
जसअनुसार २७ भदौको पालिका अधिवेशन ९ असोजमा, १ असोजको प्रदेश सभा क्षेत्रीय अधिवेशन ११ असोजमा, एक मात्र प्रतिनिधिसभा जिल्ला अधिवेशन ५ असोजको १३ असोजमा, एकभन्दा बढी भएका जिल्ला १० असोजको १६ गते असोजमा प्रस्ताव गरिएको कांग्रेस सहमहामन्त्री डा.प्रकाशशरण महतले जानकारी दिनुभयो ।
प्रदेश अधिवेशन १०–१२ कात्तिकमा र केन्द्रीय महाधिवेशन ९–१३ मंसिरमा हुनेछ । २० जिल्लामा रोकिएको वडा अधिवेशन ५ असोजमा हुने नेता महतले बताउनु भयो ।
१० देखि १२ कार्तिकमा गर्ने गरी तय गरिएको प्रदेश अधिवेशन सोही मितिमा हुने छ । यस्तै ९ देखि १३ मङ्सिरका लागि तय केन्द्रीय महाधिवेशन पनि तोकिएकै मितिमा हुने छ ।









































