काठमाडौं, १४ भाद्र २०७८ । पछिल्लो २४ घण्टामा देशभर थप २२९५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ११ हजार ८९२ पीसीआर परीक्षणमा १९०२ जना र ४३४१ एन्टिजेन परीक्षणमा ३९३ जना गरी २२९५ जनामा संक्रमण पुष्टि भएको हो ।
पछिल्लो २४ घण्टामा कोरोना भाइरस संक्रमणमुक्त हुनेको संख्या १८०८ रहेको मन्त्रालयले जनाएको छ । योसँगै हालसम्म ७ लाख १४ हजार ५२० जना संक्रमणमुक्त भएका छन् ।
पछिल्लो २४ घण्टामा कोरोना संक्रमणका कारण १६ जनाको मृ’त्यु भएको छ । योसँगै नेपाल मृ’त्यु हुनेको संख्या १० हजार ७३० पुगेको छ ।
नेपालमा कोरोना संक्रमितको कुल संख्या ८ लाख ६१ हजार १२४ पुगेको मन्त्रालयले जनाएको छ ।
मन्त्रालयका अनुसार हाल देशभर सक्रिय संक्रमितको संख्या ३५ हजार ८७४ जना रहेका छन् ।








































