काठमाडौं, सोमबार, ३२ साउन २०७८ । नक्कली सवारी चालक अनुमतिपत्र (स्मार्ट लाईसेन्स) बनाएको आरोपमा दुईजनालाई महानगरीय ट्राफिक प्रहरी महाशाखाले प´क्राउ गरेको छ ।
पक्राउ पर्नेमा ललितपुर महानगरपालिका-२, बुङमती घर भई हाल जोरपाटी बस्ने वर्ष ४६ को प्रेम तुलाधर र खोटाङ ऐंशेलुखर्क गाउँपालिका-६ घर भई हाल मुलपानी बस्ने बर्ष ३१ की कल्पना दाहाल रहेको प्र´हरीले जनाएको छ ।
यातायात कार्यालयहरूबाट जारी गरिने सवारी चालक अनुमतिपत्रका नगदी रसिदहरू केही व्यक्तिहरुले सरकारी कागजात दस्तखत किर्ते गरी रकम लिने गरेको भन्ने बिशेष सूचनाका आधारमा ट्राफिक प्रहरीले उनीहरूलाई कागेश्वरी मनोहरा नगरपालिका वडा नं. ६ मुलपानी स्थित राईजिङ एक्सपोर्ट ड्राईभिङ सेन्टरबाट पक्राउ गरेको ट्राफिक महाशाखाका प्रमुख एसएसपी जनक भट्टराईले बताए ।
तुलाधर पक्राउ परेपछि उनकै बयानका आधारमा ट्राफिक प्रहरीले दाहाललाई मुलपानीबाट प´क्राउ गरेको प्रहरीले जनाएको छ ।
ट्राफिक प्रहरीका अनुसार उनीहरूले दर्जनौ व्यक्तिसँग रकम लिएर नक्कली लाईसेन्स रसिद दिई किर्ते ठगी गर्ने काम गर्दै आएका थिए । प´क्राउ परेका दुवै जनालाई थप अनुसन्धान एवं कानुनी कारबाहीको लागि प्रहरी वृत्त, सिंहदरवारमा बुझाएको छ ।








































