काठमाडौँ, बिहिबार, २८ साउन २०७८ । सरकारले २० यूनिट भन्दा कम बिजुली खपत गर्ने नागरिकलाई पूर्ण छुट दिने कुराले जनतामा केही राहत मिलेको युवा नेता प्रदीप पौडेलले बताउनु भएको छ । साथै, उहाँले अझै पनि ग्रामीण क्षेत्रमा विद्युत पुग्न नसकेको गुनासो ब्यक्त गर्नु भयो ।
देशैभरिका अधिकांश ग्रामिण क्षेत्रमा विद्युत आपूर्ति सहज हुन सकेको छैन । विद्युतको सञ्चार प्रवाहमा बारम्बार समस्या आउने, ट्रान्समिटर जल्ने र हप्तौं सम्म बिजुली बन्द्द हुने समस्या रहेको बताउदै सरकारको ध्यान सहज, सरल र निरन्तर विद्युत् आपूर्ति गर्ने तर्फ पनि जान जरुरी रहेको आफ्नो सामाजिक संजाल फेसबुक मार्फत गुनासो ब्यक्त गर्नुभयो ।
सामाजिक संजाल फेसबुकमा उहाँ लेख्नुहुन्छ :
अर्को तिर ऊर्जाको खपत धेरै गराउन थप सुबिधा र सहजता हुन आबश्यक छ। बिजुलीको उपभोगमा कमी हुन नदिन जति धेरै उपभोग त्यति नै थप सहुलियत दिनु पर्दछ । त्यसैले, सरकारले उर्जा खपतमा नागरिकलाई प्रोत्साहन गर्दै सौलियत दिएर बढी भन्दा बढी विद्युतको प्रयोग गर्न प्रेरित गर्नसकेमा मात्र विश्वभर देखिएको जलबायु परिवर्तन, डिजेल, पेट्रोल र ग्यास जन्य पदार्थको चरम दोहन, हरितगृह प्रभाव जस्ता प्रकृतिमा परेको असरलाई न्यूनीकरण गर्न मद्दत पुग्छ । त्यसैले, विद्युतको उत्पादन र उपभोगमा जोड दिँदै वैकल्पीक उर्जा विकास गर्नमा सरकारकाे ध्यान जाओस् । युवा नेता प्रदीप पौडेलले लेख्नु भएको छ ।










































