युवराज बस्ताकाेटी
नेपाली काँग्रेस पार्टीको १४ आैं महाधिवेशन भाद्र २३ सम्म गरि सक्नु पर्ने संबैधानिक बाध्यता छ ।
यसलाई विविध उपायबाट केही महिना वा बर्ष पर धकेल्न पर्ने हाे कि भन्ने प्रश्न त उब्जिएको छ । ” पहिला जानिन अहिले मानिन ” भने जस्ताे भएकाे छ ।
समयमा महाधिवेशन नगर्दा अन्तिम अबस्थामा आएर काेभिड १९ जस्ताे महामारीको चपेटामा अहिले परिएकाे छ । सभापति भर्सेस अन्य नेताकाे दाेहाेरी चले पनि ,एउटा इमानदार विश्लेषण के हाे भने, पार्टीका पदमा रहेका सबै नेताकाे अकर्मण्यताकाे परिणाम हाे ।
बरिस्ठ नेताले सभापतिलाई दाेस दिउन वा सभापतिले कुनै पनि वहाना भनुन् , राेय जस्ताे गरेकाे वा कुटे जस्ताे गरेकाे ,मात्रै हाे भनेर जनताले बुझ्ने हाे । पदाधिकारी सबै जिम्मेवार हुन्छन् हुन्छन् । नैतिक राजनीति गर्ने हाे भने दाेस दिएर हुदैन , विकल्प दिन सक्नु पर्छ ।
अझै महाधिवेशनकाे सम्भावना छ । हामीसंग दुईवटा तरिका छन् ।
एक , १३ अाैं महाधिवेशनका प्रतिनिधि कायम राख्ने , प्रमुख ३ सभापतिका उमेदवारले सहमति गरेर १५०० महाधिवेशन प्रतिनिधि थप्ने अनि बढिमा २ वर्षका लागि विशेष महाधिवेशन मार्फत प्रदेश तथा केन्द्रीय समिति निर्माण गरेर निर्वाचन आयाेगमा बुझाउने , तल्ला तहका नेतृत्व हाललाई साेहि कायम गरेर समिति रिसफल गर्ने । याे अलि कम प्रजातान्त्रिक देखिए पनि बाध्यतालाई ध्यान दिएर सहमतिमा जान सकिन्छ
अर्काे , हाल रहेकाे वडा समितिकाे बैठक वसेर निष्पक्ष रुपमा पार्टीका काम गरिरहेका साथीहरूलाई प्रतिनिधि ताेकेर जिल्ला पठाउने । जिल्ला भित्रका पुर्व केन्द्रीय सदस्य तथा पदाधिकारी , वर्तमान केन्द्रीय सदस्य तथा पदाधिकारी , पार्टी सभापति र निकटतम प्रतिद्वन्द्वी सभापति समेतकाे जुरि बनाउने , त्यस जुरिले सहमतिमा प्रदेश प्रतिनिधि तथा महाधिवेशन प्रतिनिधि ताेक्ने यसरी ताेक्दा कसैकाे राजनीतिक हत्या गर्न नपाइने , यश पछि जुम मार्फत प्रदेश तथा केन्द्रीय महाधिवेशन गर्ने , समितिकाे निर्वाचन गर्ने । याे पनि पुर्ण प्रजातान्त्रिक हाेइन ,बाध्यात्मक महाधिवेशन स्विकार्दै बढिमा २ बर्षका लागि साे व्यवस्था हुने ग्यारेन्टी सहमतिमा गर्ने । यी दुई मध्य एक बिधिबाट जान सकियाे भने भदाै २३ भित्र नै महाधिवेशन सम्पन्न हुने सम्भव छ ।
( बस्ताकाेटी ; नेपाली काँग्रेस संघिय मामिला तथा प्रदेश समन्वय केन्द्रीय विभागका सचिव हुन् ।)
२०७८ साल साउन २५ गते सोमबार









































