काठमाडौँ, बुधबार, २० साउन २०७८ । गृहमन्त्री बाल कृष्ण खाँण र प्रधान सेनापति पूर्ण चन्द्र थापाबीच भेटवार्ता भएको छ ।
आज बुधबार सिंहदरबारमा भएको भेटका क्रममा सेनाका कायममुकायम प्रधान सेनापति प्रभुराम शर्माको पनि उपस्थिति थियो । विशेषत: मुलुकको पछिल्लो अवस्था र कोभिड नियन्त्रणको विषयमै भेट केन्द्रित रहेको रहेको थियो ।
प्रधानसेनापति थापा आगामी भदौ २४ गतेदखि सेवानिवृत्त हुँदै हुनुहुन्छ । त्यसको एक महिनाअघि देखि प्रधानसेनापति बिदा बस्ने प्रचलन छ ।
सोही अनुसार यही २५ गतेदेखि प्रधानसेनापति थापा घरबिदामा बस्दै हुनुहुन्छ । सरकारले थापाको बिदा स्वीकृत समेत गरिसकेको छ ।
यस्तै, सरकारको सिफारिसमा राष्ट्रपति विद्यादेवी भण्डारीले कायमुकायम प्रधानसेनापतिको जिम्मेबारी बलाधिकृत रथी प्रभुराम शर्मालाई दिईसक्नु भएको छ ।
प्रधानसेनापति थापा सेवानिवृत्त भएसँगै बलाधिकृत रथी शर्मा स्वतह: प्रधानसेनापतिमा नियुक्त हुनुहुनेछ ।








































