गोरखा, १५ साउन २०७८ । गृह मन्त्रालय मातहतमा रहेका विभिन्न विभागका प्रमुख, सहसचिव तथा सचिवहरुले माननीय गृहमन्त्री बालकृष्ण खाँणसँग शुक्रबार हालसम्मको विभागीय कार्य प्रगति, योजना र कार्यान्वयनको प्रगति सम्बन्धमा समीक्षा पेश गरेका छ्न ।
प्रशासन सुरक्षा तथा समवन्यन, आन्तरिक व्यवस्थापन, कानुन, विपत् तथा द्वन्द्व, नीति योजना अनुगमन मूल्यांकन महाशाखा, राष्ट्रिय परिचयपत्र तथा पंजीकरण विभाग, कारागार व्यवस्थापन विभाग र अध्यागमन विभागका प्रमुख तथा सचिव र सहसचिवहरुले समीक्षा पेश गरेका हुन्।
माननीय गृहमन्त्री खाँणले समग्र विभाग प्रमुखहरुलाई प्रस्तुतिका लागि धन्यवाद दिँदै मातहतको विभागले सरकारको उपस्थिति जनाउनुपर्ने हुँदा सरकारको उपस्थिति अझ प्रभावकारी बनाउन र विभागहरुको अझै सक्रियता बढाउँदै प्रबिधि र परिवर्तनलाई जिम्मेवारी पूर्ण बहन गर्न पहिलो प्राथमिकताका साथ अगाडि बढ्नेमा विश्वास बढेर गएको बताउनुभयो ।
‘यहाँहरुको सक्रियता,उत्सुकता,जिम्मेवारी र दायित्व पूरा गर्नेमा यहाँहरुको सधै साथमा रहने विश्वास दिलाउँछु,’ उहाले भन्नुभयो ।
उहाले कारागारका कैदीहरुलाई भेट्न कोरोना संक्रमणका कारणले रोकिएको हुँदा भेट्न जाँदा पिसिआर जाँच गराई रिपोर्ट देखाएर भेट्न दिन निर्देशन गर्नुभयो ।








































