काठमाडौँ, शुक्रबार, १५ साउन २०७८ । ऐतिहासिक गोरखाको सिरानचोककोटको जंगलमा पाइने सिरानचोक गाउँपालिकाको स्थानीय समुदायले जाड बनाउन प्रयोग गरिने स्थानीय रूपमा जाड (मर्चा) बुट्टीको नामाकरण भएको एक प्रकारको वनस्पति नेपाल विज्ञान तथा प्रविधि प्रज्ञा प्रतिष्ठान ( नाष्ट) का उपकुलपति डा सुनिल बाबू श्रेष्ठलाई अध्ययन अनुसन्धानको लागी गाउँपालिकाका अध्यक्ष राज गुरुङले हस्तान्तरण गर्नु भएको छ ।
जाँड बनाउन प्रयोग हुने मर्चा बनस्पतीको अनुसन्धानका लागि सिरानचोक गाउँपालिकाका अध्यक्ष राज गुरुङले आग्रह गर्नु भएको छ ।
सिरानचोक गाउँपालिका अध्यक्ष राज गुरुङले नाष्टका उपकुलपती सुनिलबाबु श्रेष्ठलाई स्थानीय भाषमा मर्चा नामाकरण गरिएको उक्त जडिवुटीको अध्ययन गरिदिन आग्रह गर्दै बिहिवार उक्त बनस्पतीहस्तान्तरण गर्नु भएको थियो ।
‘यो बनस्पती सिरानचोककोटमा धेरै पाइन्छ, यसलाई अध्ययनपछि नयाँ वैज्ञानिक नामाकरण सँगै उपयोगीताका बारे जानकारी हुन्छ’ अध्यक्ष राज गुरुङले भन्नुभयो ‘ जसले ब्यवसायीक रुपमा यस्ता जडिवुटीको उत्पादन, प्रयोगका लागि सहज हुन्छ ।’ अनुसन्धानपछि गाउँपालिकाले यसको ब्यवसायीक खेतीका लागि पहल थाल्ने अध्यक्ष राजु गुरुङले बताउनु भयो ।
स्थानीय जंगलमा उत्पादित मर्चालाई ब्यवशायीक गर्न सक्ने हो र उयोगिताबारे पहिचान हुने हो भने रोजगारी सिर्जना गर्न र गाउँपालिकाको आर्थिकस्तरवृद्धीका लागि सहज हुने योजनाले अघि बढाइएको अध्यक्ष गुरुङले बताउनु भयो ।








































