काठमाडौं, शनिबार, २९ जेठ २०७८ । महानगरीय प्रहरी वृत्त सोह्रखुट्टेका प्रहरी नायब उपरीक्षक (डिएसपी) दीपक खड्कालाई का’रबाही स्वरुप महानगरीय प्रहरी परिसर काठमाडौंमा तानेपछि स्रोहखुट्टे वृत्तको जिम्मेवारी प्रमेश बिष्टलाई दिइएको छ ।
डीएसपी बिष्ट महानगरीय प्रहरी परिसर काठमाडौंमा कार्यरत थिए । २३ जेठमा महानगरीय प्रहरी कार्यालय, रानीपोखरीले डिएसपी खड्कालाई का’रबाही गरेपछि सोह्रखुट्टे वृत खाली थियो ।
प्रहरी आचरणविपरीत कार्य गरेको भन्दै महानगरीय प्रहरी कार्यालय रानीपोखरीले खड्कालाई नसियद दिएको हो । खड्कामाथि कार्यशैली राम्रो नभएको, जनतासँग राम्रो व्यवहार नगरेको र आर्थिक अनियमिततामा मुछिएको आरोप लागेको छ ।
डिएसपी खड्कालाई अनुशासनवि’परीत काम गरेको भन्दै का’रबाहीस्वरुप परिसरमा तानिएको थियो । उनका स्थानमा बिष्टले जिम्मेवारी वहन गरेका हुन् ।








































