गोरखा, शुक्रबार, २१ जेठ २०७८। गोरखाको पालुङटार नगरपालिकामा को’रोना सं’क्रमण दर घटेको छैन । बिहिवार मात्रै ३५ जनालाई सं’क्रमण पु’ष्टि भएको पालिकाका कोरोना फोकल पर्सन दिपेन्द्र गिरीले बताउनु भयो । यो सँगै को’रोना सं’क्रमितको संख्या तीन सय पाँच पुगेको छ ।
संक्रमितमध्ये एक सय ४५ जनाले को’रोना जितिसकेका छन् भने एकसय ५८ जना होम आइशोलेसनमा उपचाररत छन् । आइशोलेसनमा बसेकालाई नगरपालिकाले घरघरमा औषधी पु¥याउने गरेको छ ।
‘जनप्रतिनिधि र स्वास्थ्यकर्मीले घरघरमा पुगेर स्वास्थ्य सुरक्षाका सामग्री सहित, औषधी दिएका छौँ’ पालुङटार नगरपालिकाका मेयर दिपकबाबु कँडेलले भन्नुभयो । ‘जनप्रतिनिधि, कर्मचारी, स्वास्थ्यकर्मीलाई कोरोना नियन्त्रण र रोकथामलाई प्राथमिकतामा राखेर काम गर्न भनेका छौँ’ उनले भने ‘सोही अनुसार हामी आइशोलेसन, अक्सिजन सहित उपचार सेवा दिइरहेका छौँ ।’








































